અમદાવાદઃ  ગણપત યુનિવર્સિટી, ખેરવા (મેહસાણા) દ્વારા એસ્‍ટર ડીએમ હેલ્‍થકેર (Aster DM Healthcare) સાથેના સહયોગથી મોબાઇલ મેડિકલ યુનિટ (MMU) પ્રોજેક્‍ટનો પ્રારંભ કરવામાં આવ્‍યો છે. આ પહેલનો હેતુ ગ્રામ્‍ય, આર્થિક રીતે નબળા અને આરોગ્‍ય સુવિધાઓથી વંચિત લોકોને તેમના ગામે જ ગુણવત્તાસભર આરોગ્‍ય સેવા પહોંચાડવાનો છે. આ આરોગ્‍ય પહેલનું ઉદ્ધાટન ગુજરાત રાજ્‍યના માનનીય મુખ્‍યમંત્રી  ભૂપેન્‍દ્રભાઇ પટેલના હસ્‍તે થયું હતું. આ કાર્યક્રમમાં તત્‍કાલીન ઉદ્યોગ મંત્રી  બલવંતસિંહ રાજપૂત, ગણપતભાઈ પટેલ - દાદા તેમજ ગણપત યુનિવર્સિટીના ગ્રુપ પ્રો ચાન્‍સેલર ડૉ. મહેન્‍દ્ર શર્મા અને હેડ (CSR), એસ્‍ટર ડીએમ હેલ્‍થકેર લિ., યુએઈના જલિલ પીએ સહિત અનેક મહાનુભાવો ઉપસ્‍થિત રહ્યા હતાં. આ પહેલ હેઠળ આધુનિક સુવિધાઓથી સજ્જ આ મોબાઇલ મેડિકલ યુનિટ દ્વારા ગ્રામ્‍ય વિસ્‍તારોમાં આરોગ્‍ય સેવાઓ પહોંચાડવામાં આવશે.માનનીય મુખ્‍યમંત્રી ભૂપેન્‍દ્રભાઇ પટેલે જણાવ્‍યું કે, આ પહેલ ગુજરાત રાજ્‍યને આરોગ્‍ય ક્ષેત્રમાં વધુ સ્‍વાવલંબી બનાવશે અને ગ્રામ્‍ય વિસ્‍તારોમાં લોકો સુધી ગુણવત્તાસભર સેવા પહોંચાડશે. (તસ્‍વીરઃ અહેવાલઃ કેતન ખત્રી)  (૯.ર૪)