નૌકાદળના વાઇસ એડમિરલ એ.એન. પ્રમોદના જણાવ્યા અનુસાર, ગુજરાત દરિયાકાંઠે અને અરબી સમુદ્રમાં ત્રણેય સેવાઓનો સંયુક્ત અભ્યાસ ચાલી રહ્યો છે. ભારતની ત્રણેય સેના- આર્મી, નેવી અને એરફોર્સ – ગુજરાતના દરિયાકાંઠે અને ઉત્તર અરબી સમુદ્રમાં મોટા પાયે ત્રિશૂલના નામે સંયુક્ત લશ્કરી કવાયત કરી રહી છે. “આ એક ત્રિ-સેવા કવાયત છે, જેમાં માત્ર ત્રણેય સેવાઓ જ નહીં, પરંતુ કોસ્ટ ગાર્ડ, બીએસએફ અને અન્ય કેન્દ્રીય એજન્સીઓ પણ ભાગ લઈ રહી છે. આર્મીનો સધર્ન કમાન્ડ, નેવીનો વેસ્ટર્ન કમાન્ડ અને એરફોર્સનો સાઉથ વેસ્ટર્ન એર કમાન્ડ ભાગ લઈ રહ્યા છે.”