અમદાવાદ : ગુજરાતમાં ગરમીનો પ્રભાવ ઓછો થતાં હવે ઠંડીની શરૂઆત થઈ ગઈ છે. હવામાન વિભાગે રાજ્યમાં આજથી ઠંડીનો ચમકારો અનુભવાશે તેવી સત્તાવાર આગાહી કરી છે 

હવામાન વિભાગના ડાયરેક્ટર ડૉ. એ.કે. દાસના જણાવ્યા અનુસાર, ઠંડી વધવા પાછળ મુખ્યત્વે બે કારણો જવાબદાર છે. જેમાં પવનની દિશા ઉત્તર-પૂર્વથી પૂર્વ તરફની થઈ છે, જેના કારણે ઠંડી અનુભવાશે. તો બીજું  ઉત્તર દિશા તરફથી પવન આવવાનું શરૂ થતાં રાજ્યના તાપમાનમાં ઘટાડો થવાની આગાહી છે.

હવામાન વિભાગે આગાહી કરી છે કે રાજ્યના મોટાભાગના જિલ્લાઓમાં લઘુત્તમ તાપમાનમાં 2 થી 3 ડિગ્રી સેલ્સિયસનો ઘટાડો નોંધાશે.  રાજ્યના મુખ્ય શહેર અમદાવાદમાં પણ ઠંડીનો ચમકારો અનુભવાશે. અમદાવાદમાં લઘુત્તમ તાપમાન 16 ડિગ્રી સેલ્સિયસની આસપાસ નોંધાઈ શકે છે.  આમ, રાજ્યના નાગરિકોને હવે ઠંડીના આગમન સાથે ગરમ વસ્ત્રો તૈયાર રાખવાની સલાહ આપવામાં આવે છે.