ભરૂચ જિલ્લાના આમોદ નજીક આવેલા માતર ગામ પાસે હાઇવે પર ગમખ્વાર અકસ્માતની ઘટના સામે આવી છે. પુરપાટ ઝડપે આવી રહેલા એક ટ્રકે કામદારોને લઈ જતા ટ્રેક્ટરને જોરદાર ટક્કર મારતા આ અકસ્માત સર્જાયો હતો. આ ગંભીર અકસ્માતમાં ટ્રેક્ટરમાં સવાર બે લોકોના ઘટનાસ્થળે જ કરુણ મોત નિપજ્યા હતા, જ્યારે અન્ય ઈજાગ્રસ્તોને તાત્કાલિક સારવાર માટે હોસ્પિટલમાં ખસેડવામાં આવ્યા છે. આ સમગ્ર અકસ્માત અંગે આમોદ પોલીસે કાયદેસરની કાર્યવાહી હાથ ધરીને વધુ તપાસ શરૂ કરી છે.