ભરૂચના જંબુસર વિધાનસભા યુવા કોંગ્રેસના પ્રમુખ કેતન મકવાણા સામે આમોદ નગરપાલિકા (નપા)માં કચરો નાંખી વિરોધ કરવા બદલ પોલીસ ફરિયાદ નોંધાઈ છે. આમોદમાં ડોર-ટુ-ડોર કચરાની ગાડી સમયસર ન આવતા, તેમણે વિરોધ કરવા માટે આ પદ્ધતિ અપનાવી હતી. આ વિરોધના પગલે આમોદ નપાના સેનેટરી ઇન્સ્પેક્ટરે કોંગ્રેસ નેતા કેતન મકવાણા વિરુદ્ધ પોલીસ ફરિયાદ નોંધાવી છે, જેમાં જાનથી મારી નાખવાની ધમકી સહિતની કલમોનો સમાવેશ થાય છે.