ડેડિયાપાડા: આજે ૧૫ નવેમ્બર, ભગવાન બિરસા મુંડાની જન્મજયંતિ અને જનજાતિ ગૌરવ દિવસ નિમિત્તે વડાપ્રધાન નરેન્દ્રભાઈ મોદીએ ગુજરાતના નર્મદા જિલ્લાના આદિવાસી વિસ્તાર ડેડિયાપાડાની મુલાકાત લીધી હતી. અહીં તેમના ભવ્ય રોડ શોનું આયોજન કરાયું હતું, જેમાં મોટી સંખ્યામાં સ્થાનિક નાગરિકો ઉમટી પડ્યા હતા.

આ ભવ્ય સ્વાગતથી અભિભૂત થઈને વડાપ્રધાને સોશિયલ મીડિયા પ્લેટફોર્મ 'એક્સ' પર પોતાની લાગણી વ્યક્ત કરી હતી. તેમણે હિન્દીમાં લખ્યું, "ડેડિયાપાડામાં ગુજરાતના મારા પરિવારજનોએ જે આત્મીયતા સાથે સ્વાગત કર્યું, તે અભિભૂત કરનારું છે! ભગવાન બિરસા મુંડા જી ના જયકારો વચ્ચે રાજ્યની નારીશક્તિ અને યુવા સાથીઓની મોટી ભાગીદારીએ એક નવી ઉર્જાથી ભરી દીધો છે."