ગાંધીનગર : કલોલમાં ખાણ-ખનીજ વિભાગના મહિલા અધિકારીની સરકારી કામગીરીમાં અડચણ ઊભી કરવા બદલ પોલીસે 6 લોકોની ધરપકડ કરી છે. આ બનાવ ત્યારે બન્યો જ્યારે અધિકારીની ટીમ દ્વારા વાહનો ડિટેઇન કરીને લઈ જવામાં આવી રહ્યા હતા, તે દરમિયાન આરોપીઓએ અધિકારીને પરેશાન કર્યા હતા અને ખાણ-ખનીજ વિભાગે જપ્ત કરેલા તે વાહનોને બળજબરીથી છોડાવીને નાસી છૂટ્યા હતા. સરકારી કામગીરીમાં અવરોધ ઊભો કરવા બદલ કલોલ પોલીસે તમામ 6 આરોપીઓ વિરુદ્ધ કાર્યવાહી કરીને તેમની ધરપકડ કરી છે.