અમદાવાદ : ગુજરાતમાં છેલ્લા 24 કલાક દરમિયાન અનેક વિસ્તારોમાં પારો ગગડ્યો છે, જેમાં દાહોદ 9.9 ડિગ્રી સાથે સૌથી ઓછું તાપમાન નોંધાયું છે, જ્યારે નલિયામાં 10.5 ડિગ્રી તાપમાન રહ્યું હતું. હવામાન વિભાગની આગાહી મુજબ, આગામી 24 કલાક હવામાન શુષ્ક રહેશે અને સૌરાષ્ટ્ર-કચ્છ સહિતના ભાગોમાં રાત્રે ઠંડી યથાવત રહેશે. જોકે, રાહતની વાત એ છે કે આગામી 48 કલાક લઘુત્તમ તાપમાનમાં કોઈ ફેરફાર નહીં થાય, પરંતુ ત્યારબાદ 48 કલાક બાદ તાપમાન 2 થી 3 ડિગ્રી વધી શકે છે, જેનાથી ઠંડીમાં થોડીક રાહત મળવાની શક્યતા છે.