તા. ૧૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૨ બુધવાર
ગુજરાતમાં હોલીવુડથી લઈને વોલ સ્ટ્રીટ સુધીના તમામ ટેક્સ ભરાઈ રહ્યા છે
અમદાવાદ બન્યું ગ્લોબલ ટેકસ હબ ! : અમદાવાદ અને ગિફ્ટ સિટીમાં ઘણી કંપનીઓ આઉટસોર્સિંગથી આ કામ કરી રહી છે : હવે ઘણી ફોર્ચુન ૫૦૦ કંપનીઓ પોતાનું ટેક્સ અને ઓડિટ કાર્ય ગુજરાત દ્વારા રૂટ કરી રહી છે
અમદાવાદ, તા.૨૧: શહેર ગ્લોબલ ટેક્સ હબ તરીકે પણ ઉભરી રહ્યું છે. ગુજરાતમાં હોલીવુડથી લઈને વોલ સ્ટ્રીટ સુધીના તમામ ટેક્સ ભરાઈ રહ્યા છે. અમદાવાદ અને ગિફ્ટ સિટીમાં ઘણી કંપનીઓ આઉટર્સોસિંગથી આ કામ કરી રહી છે. હવે ઘણી ફોર્ચુન ૫૦૦ કંપનીઓ પોતાનું ટેક્સ અને ઓડિટ કાર્ય ગુજરાત દ્વારા રૂટ કરી રહી છે. ઘણી આંતરરાષ્ટ્રીય ઓડિટ ફર્મ્સે તેમના એકાઉન્ટિંગ કામકાજનો મોટો ભાગ શહેર અને ગિફ્ટ સિટીમાં સ્થિત ફર્મોને આઉટસોર્સ કર્યો છે.
૧૦ મોટી ફર્મો આપે છે ૨૦,૦૦૦ને રોજગારીઃ ગુજરાતની એકાઉન્ટિંગ ટેલેન્ટનો ઊંડો ભંડાર અને ખર્ચ-કાર્યક્ષમ કામગીરીએ શાંતિથી રાજ્યને ટેક્સેશન, ઓડિટિંગ, બુકકીપિંગ અને કમ્પ્લાયન્સ માં વૈશ્વિક આઉટર્સોસિંગ માટેના એક પાવરહાઉસમાં ફેરવી દીધું છે. ઉદ્યોગના અંદાજ મુજબ લગભગ ૧૦ મોટી ફર્મો આ તેજીને વેગ આપી રહી છે, જે લગભગ ૨૦,૦૦૦ પ્રોફેશનલ્સને રોજગાર આપી રહી છે. જેમાં ૩,૦૦૦ થી વધુ ક્વોલિફાઇડ ચાર્ટર્ડ એકાઉન્ટન્ટ્સનો સમાવેશ થાય છે. સૂત્રોના જણાવ્યા મુજબ, ઘણા ટોચના આંતરરાષ્ટ્રીય સેલિબ્રિટીઓના ટેક્સ ફાઇલિંગ અમદાવાદમાં તૈયાર થાય છે.
ગુજરાત બની રહ્યું છે વૈશ્વિક હબ
સૂત્રોના જણાવ્યા પ્રમાણે, ગુજરાત વિશિષ્ટ જ્ઞાન, મજબૂત પ્રક્રિયાઓ અને ઓછી કિંમતે શ્રેષ્ઠ સર્વિસનું એક મિશ્રણ પ્રદાન કરે છે. એક સુપ્રસિદ્ધ બાસ્કેટબોલ પ્લેયર અને એક આઇકોનિક ટોક-શો પ્રસ્તુતકર્તા સહિત ઘણા રમતગમત અને મનોરંજનના સેલિબ્રિટીઝના રિટર્ન અમદાવાદમાં તૈયાર થાય છે. ઘણી મલ્ટી નેશનલ કંપનીઓ અહીં તેમના ઞ્ઘ્ઘ્ (ગ્લોબલ કેપેબિલિટી સેન્ટર)સ્થાપી રહી હોવાથી, ગુજરાત ઝડપથી એક વૈશ્વિક હબ બની રહ્યું છે. ગિફ્ટ સિટી આ પરિવર્તનને વધુ ઝડપી બનાવશે તેમ પણ જણાવ્યું હતું.
પશ્ચિમી દેશો વળદ્ધ થતા કર્મચારીઓનો સામનો કરી રહ્યા છે.
વિદેશી એકાઉન્ટિંગ અને ટેક્સ સેવાઓમાં લગભગ ૧,૫૦૦ લોકોને રોજગાર આપતા એક સૂત્રએ કહ્યું કે ટેલેન્ટનો ફાયદો નિર્ણાયક છે. પશ્ચિમી દેશો વળદ્ધ થતા કર્મચારીઓનો સામનો કરી રહ્યા છે અને તેમના યુવાનો એકાઉન્ટિંગ કરતાં ટેકનોલોજીને વધુ પસંદ કરે છે. તેનાથી વિપરીત, ગુજરાત પાસે એક મજબૂત એકાઉન્ટિંગ એજ્યુકેશન ઇકોસિસ્ટમ છે, જે આપણને કુશળ યુવા પ્રોફેશનલ્સની સતત ઉપલબ્ધતા આપે છે.
સસ્તા દરે ટેક્સેશન અને એકાઉન્ટિંગ સર્વિસ : આઉટર્સોસિંગ ફર્મના સૂત્રોના કહેવા પ્રમાણે, તેઓ ૩૦૦૦ પ્રોફેશનલ્સને રોજગારી આપે છે અને વાર્ષિક રૂ.૫૦૦ કરોડની આવક નોંધાવે છે. યુએસના ખર્ચ કરતાં ઓછામાં ઓછા ૭૦ ટકા સસ્તા દરે ટેક્સેશન અને એકાઉન્ટિંગ સર્વિસ આપવામાં આવે છે. તેમની આઉટર્સોસિંગ આવકનો લગભગ ૮૦ ટકા હિસ્સો માત્ર યુએસમાંથી આવે છે.
આ ઉપરાંત સૂત્રોએ કહ્યું, ગુજરાત અને રાજસ્થાનના વિદ્યાર્થીઓનો એકાઉન્ટ તરફ વધુ રસ છે. તેથી ટેલેન્ટનો આધાર સ્વાભાવિક રીતે મજબૂત છે. ઉપરાંત, ગુજરાતી ડાયસ્પોરાના યુએસ સાથેના સંબંધો અને મુંબઈ કે બેંગ્લોર કરતાં સસ્તી રિયલ એસ્ટેટ આઉટર્સોસિંગ ફર્મો માટે અમદાવાદને વધુ પ્રોડક્ટિવ બનાવે છે.
(1:24 PM IST)
છેલ્લા 8 દિવસમાં સૌથી લોકપ્રિય 
