સુરત જિલ્લાના માંગરોળ તાલુકાના હાથોડા ગામની સીમમાંથી એક અજાણ્યા યુવાનનો મૃતદેહ મળી આવતાં સમગ્ર વિસ્તારમાં ચકચાર મચી ગઈ છે. આ બનાવ ગામ નજીક આવેલા ઈંટના ભઠ્ઠા પાસેના મોડીનાળામાં બન્યો હતો. પાણીમાં અજાણ્યા યુવાનનો મૃતદેહ દેખાતા સ્થાનિક લોકોએ તાત્કાલિક પોલીસ અને ફાયર બ્રિગેડને જાણ કરી હતી.

માહિતી મળતા જ પાલોદ પોલીસ અને ફાયર બ્રિગેડની ટીમ ઘટનાસ્થળે દોડી આવી હતી. ફાયર બ્રિગેડની મદદથી પાણીમાંથી મૃતદેહને બહાર કાઢવામાં આવ્યો હતો. હાલમાં મૃતદેહની ઓળખવિધિ માટે પોલીસે કાર્યવાહી હાથ ધરી છે. યુવક કોણ હતો અને તેનું મૃત્યુ કયા સંજોગોમાં થયું છે તે જાણવા માટે પોલીસે વધુ તપાસ શરૂ કરી છે.