સુરતમાં પરીક્ષામાં ગેરરીતિના મુદ્દે વીર નર્મદ દક્ષિણ ગુજરાત યુનિવર્સિટીએ કડક કાર્યવાહી હાથ ધરી છે. ગત વર્ષે લેવામાં આવેલી વિવિધ ફેકલ્ટીની પરીક્ષાઓ દરમિયાન ગેરરીતિ કરતા ઝડપાયેલા કુલ 89 વિદ્યાર્થીઓમાંથી સુનાવણી માટે હાજર રહેલા 47 વિદ્યાર્થીઓને દંડ ફટકારવામાં આવ્યો છે. યુનિવર્સિટીએ આ વિદ્યાર્થીઓને 2,500 રૂપિયા થી લઈને 10,000 રૂપિયા સુધીનો દંડ ચૂકવવાનો આદેશ કર્યો છે. પરીક્ષાની શુદ્ધતા જળવાઈ રહે એ હેતુથી યુનિવર્સિટીએ આ કડક પગલાં લઈ વિદ્યાર્થીઓને સ્પષ્ટ સંદેશ આપ્યો છે કે ગેરરીતિ કોઈ પણ પરિસ્થિતિમાં સહન કરવામાં આવશે નહીં.