પાલનપુર તાલુકાના સલ્લા ગામની 14 એકર ગૌચર જમીન ખાનગી વ્યક્તિઓને આપી દેવા મુદ્દે ગુજરાત હાઈકોર્ટે કલેક્ટરને તપાસ આદેશ આપ્યા છે. ગુજરાત લેન્ડ રોકોર્ડના કાયદા મુજબ ગૌચરની જમીન ખાનગી વ્યક્તિઓને આપી શકાય નહીં. છતાં, 14 એકર ગૌચર જમીન ખાનગી વ્યક્તિઓને કઈ રીતે આપવામાં આવી, તે અંગે તપાસ કરી રિપોર્ટ રજૂ કરવા હુકમ કરાયો છે . આ તપાસમાં સરપંચને સહકાર આપવા પણ હુકમ કરાયો છે. 14 એકર ગૌચર જમીન પર 141 જેટલા લોકોએ બાંધકામ કર્યું, જ્યારે 79 ખુલ્લા પ્લોટ છે.