અરવલ્લી જિલ્લામાં ઉત્તરાયણ પહેલા પોલીસએ મોડાસામાં મોટી કાર્યવાહી કરીને પ્રતિબંધિત ચાઈનીઝ દોરીનો જથ્થો ઝડપ્યો છે. ગણેશપુર વિસ્તારમાં આવેલા એક ગોડાઉન પર દરોડો પાડી પોલીસે 480 ચાઈનીઝ દોરીની રીલ જપ્ત કરી છે. આ કાર્યવાહી દરમિયાન એક આરોપીની ધરપકડ પણ કરવામાં આવી છે. પોલીસએ કુલ રૂ. 2.4 લાખનો મુદ્દામાલ કબજે કર્યો છે. ઉત્તરાયણ દરમિયાન અકસ્માતો અટકાવવા માટે પ્રતિબંધિત દોરીના વેપાર પર પોલીસની કડક નજર વચ્ચે આ કાર્યવાહી મહત્ત્વપૂર્ણ માનવામાં આવી રહી છે