( વિનોદ ગાલા દ્વારા ) ભુજ : પોલીસ મહાનિદેશક, સી.આઈ.ડી. ક્રાઈમ અને રેલ્વેઝ ગુજરાત રાજ્ય ગાંધીનગર નાઓની સુચના અનુસાર ચિરાગ કોરડીયા, પોલીસ મહાનિરીક્ષક, સરહદી રેન્જ, ભુજ તથા વિકાસ સુંડા પોલીસ અધિક્ષક પશ્ચિમ કચ્છ-ભુજનાઓ દ્વારા મ્યુલ એકાઉન્ટની સમન્વય પોર્ટલ પરથી માહિતી મેળવી અને જે સાયબર ફોડમાં સંકળાયેલ હોય તેઓ વિરૂધ્ધ કાયદેસરની કાર્યવાહી કરવા સુચના આપેલ જે સુચના અન્વયે સાયબર સેલના નોડલ અધિકારી એચ આર.જેઠી તથા પોલીસ સબ ઇન્સ્પેકટર જે.બી.જાદવ એલ.સી.બી. પશ્ચિમ કચ્છ-ભુજનાઓએ સાયબર ક્રાઇમ સેલના કર્મચારીઓને જરૂરી માર્ગદર્શન આપેલ

    જે અન્વયે સમન્વય પોર્ટલ ઉપરથી તાત્કાલિક બેંક એકાઉન્ટની માહિતી મેળવી એનાલીસીસ કરી અને તે આધારે (૧) ધનંજય શૈલેશભાઇ ચૌહાણ (રહે.૨૭, સત્યમ સોસાયટી, બાપાસીતારામ મઢુલીની સામે મંગલમ ચાર રસ્તા, ભુજ) તથા (૨) આસીફ ઓસમાણ સાદ (ઉ.વ.૨૮ )(રહે. સીતારા ચોક, ભીડ નાકા બહાર, ભુજ વાળા) ના નિવેદન લઇ તપાસ કરતા તે લોકો સાયબર ફ્રોડમાં સંકળાયેલ હોવાના પુરાવા આધારે સરકાર તરફે ફરીયાદી બની (૧) આરોપી ધનંજય શૈલેશભાઇ ચૌહાણનાઓએ સાયબર ફોડ/છેતરપીંડીના ફુલ્લે રૂપિયા ૮૭.૭૬,૫૧૦/- મેળવી ગુનો કરેલ હોય જેથી તેના વિરૂધ્ધ ભુજ શહેર એ ડીવીઝન પો.સ્ટે. ગુ.ર.નં ૧૨૨૩/૨૦૨૫ ભારતીય ન્યાય સંહિતા ૨૦૨૩ની કલમ- ૩૧૭(૨),૩૧૭(૪),૩૧૮(૪). ૬૧ (૨) .૩(૫) તથા આઇ.ટી.એકટ-૨૦૦૦ ની કલમ-૬૬(સી).૬૬(ડી) મુજબનો ગુનો દાખલ કરાવેલ તથા (૨) આરોપી આસીફ ઓસમાણ સાદ નાઓએ સાયબર ફોડ/છેતરપીંડીના કુલ્લે રૂપિયા ૨૨,૦૦,૫૦૦/- મેળવી ગુનો કરેલ હોય જેથી તેના વિરૂધ્ધ ભુજ શહેર બી ડીવીઝન પો.સ્ટે. ગુ.ર.નં. ૧૫૦૮/૨૦૨૫ ભારતીય ન્યાય સંહિતા ૨૦૨૩ની કલમ-૩૧૭(૨),૩૧૭(૪),૩૧૮(૪), ૬૧(૨),૩ (૫) તથા આઇ.ટી.એકટ-૨૦૦૦ ની કલમ-૬૬(સી),૬૬(ડી) મુજબનો ગુનો સાયબર સેલ પશ્ચિમ કચ્છ ભુજ તરફથી દાખલ કરાવવામાં આવેલ
ઉપરોક્ત બન્ને ગુના કામના આરોપી (૧) ધનંજય શૈલેશભાઇ ચૌહાણ (રહે.૨૭, સત્યમ સોસાયટી, બાપાસીતારામ મઢુલીની સામે મંગલમ ચાર રસ્તા, ભુજ )તથા (૨) આસીફ ઓસમાણ સાદ (ઉ.વ.૨૮ )(રહે. સીતારા ચોક, ભીડ નાકા બહાર, ભુજ વાળા ) ને હસ્તગત કરી ભુજ શહેર એ ડીવીઝન તથા ભુજ શહેર બી ડીવીઝન પોલીસ સ્ટેશન ખાતે સોંપવામાં આવેલ છે.