અમદાવાદીઓ જેની આતુરતાથી રાહ જોઈ રહ્યા છે, તેવા સૌથી જાણીતા અને પ્રખ્યાત કાંકરિયા કાર્નિવલની તૈયારીઓ અમદાવાદ મ્યુનિસિપલ કોર્પોરેશન (AMC) દ્વારા શરૂ કરી દેવામાં આવી છે. વર્ષ 2025નો આ કાર્નિવલ 25 ડિસેમ્બરથી 31 ડિસેમ્બર દરમિયાન યોજાશે.

આ કાર્નિવલનું ઉદ્ઘાટન ગુજરાતના મુખ્યમંત્રી ભૂપેન્દ્રભાઈ  પટેલના હસ્તે કરવામાં આવશે. AMCના અધિકારીઓએ જણાવ્યું હતું કે, કાર્નિવલના ઉદ્ઘાટનની સાથે જ મુખ્યમંત્રીના હસ્તે અમદાવાદ શહેરમાં વિવિધ વિકાસ કાર્યોના લોકાર્પણ અને ખાતમુહૂર્ત પણ કરવામાં આવશે. કરોડો રૂપિયાના આ વિકાસ કાર્યોથી નાગરિકોની સુખ-સુવિધાઓમાં વધારો થશે.

આ વર્ષે કાર્નિવલમાં મુલાકાતીઓની એન્ટ્રી ફ્રી રાખવામાં આવી છે. આ વખતે લોકોને આકર્ષવા માટે અનેક નવા કાર્યક્રમોનું આયોજન કરવામાં આવ્યું છે. ડ્રોન શો , પેટ ફેશન શો, જગલર શો, લાઇટ એન્ડ સાઉન્ડ શો, દુબઈમાં યોજાય છે તેવો પાયરો શો (Pyro Show),કાર્નિવલ દરમિયાન 3 સ્ટેજ પર એકસાથે સાંસ્કૃતિક કાર્યક્રમોનું આયોજન થશે, જેનાથી મુલાકાતીઓ વિવિધ કલાકારોના પ્રદર્શનનો એકસાથે આનંદ માણી શકશે.