રાષ્ટ્રીય સ્વયંસેવક સંઘ (આરએસએસ) ના શતાબ્દી વર્ષની ઉજવણીના ભાગરૂપે ગુજરાતમાં ભવ્ય 'ઘર ઘર સંપર્ક અભિયાન' નો પ્રારંભ કરવામાં આવ્યો છે. 

આ અભિયાનની શરૂઆત પ્રસિદ્ધ યાત્રાધામ અંબાજી ખાતેથી કરવામાં આવી હતી. અંબાજી મંદિરના સુવર્ણ શિખર પર ધ્વજારોહણ કરી અને શક્તિપીઠના મહંતના આશીર્વાદ મેળવીને આ જનસંપર્ક અભિયાન ખુલ્લું મૂકવામાં આવ્યું હતું. 

આજે ૧૪ ડિસેમ્બરથી શરૂ થયેલું આ અભિયાન ૪ જાન્યુઆરી સુધી ચાલશે. આ દરમિયાન હજારો સ્વયંસેવકો ગુજરાતના ગામડે-ગામડે ફરીને લાખો ઘરનો સંપર્ક કરશે અને સંઘના વિચારો તથા સામાજિક કાર્યોની માહિતી પહોંચાડશે