આણંદમાં આરોગ્ય સાથે છેડછાડ કરતા નકલી તબીબો સામે કાર્યવાહી કરવામાં આવી છે. ગામડી ગામેથી 5 વર્ષથી ડિગ્રી વગર પ્રેક્ટિસ કરતો તબીબ અને ઈસ્માઈલ નગરમાં 3 વર્ષથી ડિગ્રી વગર તબીબી પ્રેક્ટિસ કરતો અન્ય તબીબ ઝડપાયા છે. બંને આરોપીઓ મૂળ પશ્ચિમ બંગાળના હતા અને ડિગ્રી વગર જ ડૉક્ટરની પ્રેક્ટિસ ચલાવતા હતા. LCBએ બે દિવસમાં આ બે ઝોલાછાપ તબીબોને પકડ્યા અને આરોગ્ય અધિકારીની સહાયથી તપાસ દરમિયાન તેમના નકલી તબીબી પ્રવૃત્તિનો ભાંડો ફૂટ્યો. બંને તબીબો સામે કાયદેસરની કાર્યવાહી શરૂ કરી દેવામાં આવી છે.