વડોદરાના કમાટીબાગ પ્રાણીસંગ્રહાલયમાં એક દુઃખદ ઘટના સામે આવી છે, જેમાં કોબ્રા સાપના કરડવાથી સમૃદ્ધિ નામની સિંહણનું મોત થયું છે. મળતી માહિતી મુજબ સિંહણના પાંજરામાં અચાનક કોબ્રા સાપ ઘૂસી ગયો હતો અને તેણે સિંહણને કરડી હતી. બનાવની જાણ થતાં જ સિંહણને તાત્કાલિક સારવાર માટે ખસેડવામાં આવી હતી, પરંતુ સારવાર દરમિયાન તેની હાલત બગડતા અંતે તેનું મોત નિપજ્યું. આ ઘટનાથી પ્રાણીસંગ્રહાલયના સ્ટાફ તેમજ પ્રાણીપ્રેમીઓમાં શોકની લાગણી ફેલાઈ ગઈ છે.