અમદાવાદ: શહેરના જમાલપુરની સુમન જ્વેલર્સમાં જ્વેલર્સની નજર ચુકવી ચોરીની ઘટનાને અંજામ અપાયો છે. ગ્રાહક બનીને આવેલા અજાણ્યા લોકોએ વેપારીની નજર ચૂકવીને લાખોના દાગીનાની ચોરી કરી હતી . દાગીનાની કિંમત આશરે 9 લાખ હોવાનું સામે આવ્યું છે. બાળક, બે મહિલા અને અજાણ્યો પુરુષ સહિતના દુકાનમાં પ્રવેશ્યા હતા અને શોકેસમાંથી સોનાની 100થી 110 ગ્રામની ચૂનીના 7 પેકેટની ચોરી કરી હતી. વેપારીએ સ્ટોક તપાસતા ચોરી થઈ હોવાનો ભાંડો ફૂટ્યો છે. વેપારીએ હાલ પોલીસ ફરિયાદ નોંધાવતા આ અંગે વધુ તપાસ હાથ ધરાઈ છે.