ગાંધીનગર : ઘરેથી ભાગીને કરાયેલા લગ્ન બાદ થતી નોંધણીને લઈ સૌથી મોટા સમાચાર સામે આવી રહ્યાં છે. ભાગીને લગ્ન કરનારની નોંધણીને હવે ક્લાસ 2 અધિકારી આપશે આખરી મંજૂરી. તલાટી કમ મંત્રી ક્લાસ 2 અધિકારીની મંજૂરી વગર સીધી લગ્ન નોંધણી નહીં કરી શકે. ભાગીને લગ્ન કરનારાઓની નોંધણી માટે તેમના માતા – પિતાને મોકલાશે નોટિસ. નોટિસ મળ્યાના 30 દિવસમાં યુવક – યુવતીના માતા – પિતા કે વાલીએ જવાબ રજૂ કરવો પડશે. તલાટી કમ મંત્રી પોતાની પાસે આવતી લગ્ન નોંધણીની અરજીની પ્રક્રિયા પૂર્ણ કરી ક્લાસ 2 અધિકારીને મોકલશે. આવતીકાલે મળનારી કેબિનેટમાં જો લગ્ન નોંધણીના સુધારેલા નિયમોને મંજૂરી મળશે તો સરકાર સત્તાવાર જાહેરાત કરશે.