ફોટો

રાજકોટ: ગુજરાત સરકારે નવા વર્ષના પ્રથમ દિવસે જ વહીવટી તંત્રમાં મોટા ફેરફારો કર્યા છે. રાજ્યના સામાન્ય વહીવટ વિભાગ (જી.એ.ડી.) દ્વારા આજે બહાર પાડવામાં આવેલા જાહેરનામા મુજબ, ૧૯૯૬ની બેચના ૫ વરિષ્ઠ આઈ.એ.એસ. અધિકારીઓને પ્રિન્સિપલ સેક્રેટરીના હોદ્દા પરથી બઢતી આપીને એડિશનલ ચીફ સેક્રેટરી (એ.સી.એસ.) બનાવવામાં આવ્યા છે. આ તમામ અધિકારીઓને હવે પગાર ધોરણના લેવલ-૧૭ (રૂ. ૨,૨૫,૦૦૦ ફિક્સ) મુજબનો લાભ મળશે.

 

કોને કયા વિભાગમાં બઢતી મળી?

 

સરકારના આદેશ અનુસાર નીચે મુજબના અધિકારીઓને તેમના હાલના વિભાગોમાં જ એ.સી.એસ. ગ્રેડમાં બઢતી અપાઈ છે:

 

 * સુશ્રી મોના કે. ખંધાર: અન્ન, નાગરિક પુરવઠા અને ગ્રાહક બાબતોના વિભાગમાં હવે એડિશનલ ચીફ સેક્રેટરી તરીકે ફરજ બજાવશે.

 

 * ડો. ટી. નટરાજન: નાણાં વિભાગની મહત્વની જવાબદારી સંભાળતા ડો. નટરાજનને નાણાં વિભાગના એડિશનલ ચીફ સેક્રેટરી તરીકે બઢતી આપવામાં આવી છે.

 

 * શ્રી રાજીવ ટોપ્નો: આરોગ્ય અને પરિવાર કલ્યાણ વિભાગમાં એડિશનલ ચીફ સેક્રેટરી તરીકે બઢતી.

 

 * સુશ્રી મમતા વર્મા: ઉદ્યોગ અને ખાણ વિભાગમાં એડિશનલ ચીફ સેક્રેટરી તરીકે પ્રમોશન.

 

 * શ્રી મુકેશ કુમાર: શિક્ષણ વિભાગ (ઉચ્ચ અને ટેકનિકલ શિક્ષણ)માં એડિશનલ ચીફ સેક્રેટરી તરીકે બઢતી.

 

આ તમામ અધિકારીઓ રાજ્ય સરકારના મહત્વના વિભાગોનો હવાલો સંભાળી રહ્યા છે અને તેમની આ બઢતી વહીવટી કામગીરીને વધુ વેગ આપશે તેમ મનાય છે.