સુરતમાં ગેસ સિલિન્ડરની આડમાં દારૂની હેરાફેરી કરવામાં આવી રહી હોવાનો પર્દાફાશ થયો છે. ગેસ સિલિન્ડર ભરેલા ટેમ્પોની તપાસ દરમિયાન તેમાંમાંથી વિદેશી દારૂનો મોટો જથ્થો મળી આવ્યો હતો. તપાસમાં એ પણ ખુલાસો થયો કે વાહનની નંબર પ્લેટ ખોટી હતી, જેથી ગેરકાયદેસર પ્રવૃત્તિ છુપાવી શકાય. પોલીસે દારૂ સહિત કુલ રૂ. 7.22 લાખનો મુદ્દામાલ જપ્ત કર્યો છે. આ કેસમાં પોલીસે બે આરોપીઓની ધરપકડ કરી છે જ્યારે વધુ બે આરોપીઓને વોન્ટેડ જાહેર કરીને તેમની શોધખોળ શરૂ કરવામાં આવી છે.