પાલનપુર જિલ્લા પંચાયત કચેરીમાં કર્મચારીઓ વચ્ચે બબાલ સર્જાઈ હતી. આરોગ્ય શાખામાં કાર્યરત સિનિયર ક્લાર્ક પર ઓફિસમાં જ મહિલા કર્મચારીને માર માર્યાનો ગંભીર આરોપ લાગ્યો છે. તિજોરીની ચાવી બાબતે થયેલી માથાકૂટ દરમિયાન સિનિયર ક્લાર્કે રેકોર્ડ ફેંકી દેવા સાથે મહિલા કર્મચારીને માર મારી ધમકી આપ્યાનો આરોપ મૂકવામાં આવ્યો છે. આ સમગ્ર મામલે પીડિત મહિલા કર્મચારીએ પશ્ચિમ પોલીસ મથકમાં સિનિયર ક્લાર્ક સામે ફરિયાદ નોંધાવી છે અને પોલીસે તપાસ શરૂ કરી છે.