કચ્છના ધોળાવીરા ગામમાં જમીન સંપાદન મામલે આર્કિયોલોજી સર્વે ઓફ ઈન્ડિયા (ASI)ને ગુજરાત હાઈકોર્ટે કડક ફટકાર સાથે 1 લાખ રૂપિયાનો દંડ ફટકાર્યો છે. હાઈકોર્ટે ASI દ્વારા કરાયેલી કોન્ડોનેશન ઓફ ડીલેની અરજી ફગાવી દેતા જણાવ્યું હતું કે કોર્ટને અપાયેલી ખાતરીનું પાલન ન કરવું ગંભીર બાબત છે. 

  વર્ષ 2023માં જમીન સંપાદન બદલ યોગ્ય વળતર ન મળતા જમીન માલિક દ્વારા ભચાઉ કોર્ટમાં અરજી કરવામાં આવી હતી, જ્યાં ASIના અધિકારીઓએ વળતર ચૂકવવાની ખાતરી આપી હતી. જોકે, આ ખાતરી બાદ પણ નિર્ધારિત સમયમર્યાદામાં વળતર ચૂકવાયું ન હતું. વળતર ચૂકવણીમાં વિલંબ થતા ASI તરફથી હાઈકોર્ટમાં અરજી કરવામાં આવી હતી, જેને હાઈકોર્ટે નામંજૂર કરી દંડની કાર્યવાહી કરી છે.