તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
નવસારીમાંથી અલ કાયદા અને જૈશનો ખતરનાક આતંકી પકડાયો
ગુજરાત ATSને વધુ એક મોટી સફળતા મળી : આરોપી આતંકી જૂથોની વિચારધારાથી કટ્ટરપંથી બન્યો હતો ફૈઝાન શેખે આતંક અને ભય ફેલાવવા હથિયારો અને દારૂગોળો ખરીદ્યો હતોઃ ફૈઝાન શેખ મૂળ ઉત્તરપ્રદેશના રામપુરનો વતની
નવસારીઃ ગુજરાત ATSને વધુ એક મોટી સફળતા મળી હતી. આતંકી સંગઠન સાથે જોડાયેલા ફૈઝાન શેખની નવસારીથી ધરપકડ કરવામાં આવી હતી. ફૈઝાન જૈશ-એ-મોહમ્મદ અને અલ કાયદા સાથે જોડાયેલો છે. આરોપી આતંકી જૂથોની વિચારધારાથી કટ્ટરપંથી બન્યો હતો. ફૈઝાન શેખે આતંક અને ભય ફેલાવવા હથિયારો અને દારૂગોળો ખરીદ્યા હતો.
પકડાયેલ આરોપીની ઓળખ ફૈઝાન શેખ મૂળ ઉત્તરપ્રદેશના રામપુરનો વતની છે અને હાલ નવસારીમાં રહેતો હતો. તે આતંકી સંગઠનો જૈશ-એ-મોહમ્મદ અને અલ-કાયદાની કટ્ટરપંથી વિચારધારાથી પ્રભાવિત થયો હતો. ઓનલાઈન માધ્યમો અને અન્ય રીતે રેડિકલાઈઝ થયા બાદ, તેણે સમાજમાં ભય ફેલાવવાના અને અરાજકતા ઊભી કરવાના હેતુથી ચોક્કસ જૂથના વ્યક્તિઓને ટાર્ગેટ બનાવ્યા હતા.
તેની પાસેથી હથિયારો પણ મળી આવ્યા હતા. એટીએસએ આતંકીને ધરપકડ કરીને કોણે તેને હથિયારો પૂરા પાડ્યા, તેની સાથે કોઈ સંકળાયેલું છે કે કેમ તેની તપાસ શરૂ કરી હતી.
ઉલ્લેખનીય છે કે નવેમ્બર ૨૦૨૫માં ગુજરાત એટીએસે અમદાવાદમાંથી આતંકી પ્રવળત્તિ સાથે જોડાયેલા ત્રણ લોકોની ધરપકડ કરી હતી. આ ઝડપાયેલા ત્રણેય શખ્સો ઉત્તર પ્રદેશથી આવ્યા હતા. તેમની પાસેથી ત્રણ પિસ્તોલ, ૩૦ કારતૂસ અને કેમિકલ મળી આવ્યું હતું. ગુજરાત એટીએસને મળેલી ગુપ્ત માહિતીના આધારે, ડો. અહેમદ મોહ્યુદ્દીન સૈયદ અમદાવાદમાં હુમલો કરવાના ઇરાદે આવ્યો હોવાનું જાણવા મળ્યું હતું. આ બાતમીના આધારે, એટીએસની ટીમોએ ટેકનિકલ એનાલિસિસ દ્વારા અમદાવાદ-મહેસાણા રોડ પરના અડાલજ ટોલ પ્લાઝા પાસે સિલ્વર કલરની ફોર્ડ ફિગો કારમાંથી ડો. સૈયદને ઝડપી પાડ્યો હતો. તેની તલાશી લેતા બે સ્તોલ, એક બેરેટા પિસ્તોલ, ૩૦ જીવતા કારતૂસ અને ૪ લિટર કેસ્ટર ઓઈલ મળી આવ્યા હતા.
ડો. અહેમદ મોહ્યુદ્દીનની વધુ પૂછપરછ દરમિયાન તેણે કબૂલ્યું કે તેણે હથિયારો કલોલ નજીકના એક કબ્રસ્તાનમાંથી મેળવ્યા હતા. ‘અબુ ખાદીજા' નામનો એક વ્યક્તિ તેનો સહાયક હોવાનું પણ તેણે જણાવ્યું હતું. અબુ ખાદીજા અફઘાનિસ્તાનનો રહેવાસી હોઈ અને ત્લ્ધ્ભ્ સાથે સંકળાયેલો હોવાની વિગતો એટીએસને મળી હતી, તે ઘણા પાકિસ્તાની લોકોના સંપર્કમાં પણ હતો. ડો. સૈયદ એક મોટી આતંકવાદી ઘટનાને અંજામ આપવા માટે અત્યંત શક્તિશાળી ઝેર બનાવવાની તૈયારીમાં હતો, જેના માટે તેણે જરૂરી સંશોધન, સાધનો, કાચો માલ અને પ્રારંભિક રાસાયણિક પ્રક્રિયા શરૂ કરી દીધી હતી.
ડો. અહેમદ સૈયદને હથિયારો પહોંચાડનારા શખ્સોની તપાસ કરતા, એટીએસને બનાસકાંઠાનું લોકેશન મળ્યું હતું. કલોલના કબ્રસ્તાન સુધી હથિયારો પહોંચાડનારા ઉત્તર પ્રદેશના બે આતંકીઓ - આઝાદ સુલેમાન શેખ અને મોહમ્મદ સુહેલ - ને બનાસકાંઠામાંથી ઝડપી પાડવામાં આવ્યા હતા. આ બંને આતંકવાદી માનસિકતા ધરાવતા શખ્સોએ રાજસ્થાનના હનુમાનગઢથી હથિયારો મેળવ્યા હોવાનું અને લખનૌ, દિલ્હી તથા અમદાવાદના ઘણા સંવેદનશીલ સ્થળોએ રેકી કરી હોવાનું પણ સામે આવ્યું હતું.. પૂછપરછમાં જાણવા મળ્યું કે, તેમના નેતા પાકિસ્તાન સરહદથી ડ્રોન દ્વારા તેમને હથિયારો મોકલતા હતા.
નવસારીથી ઝડપાયેલ આતંકીના ટાર્ગેટ કોણ? હથીયાર કોને સપ્લાય કરેલ? ભારે ધમધમાટ
ફેઝાન માત્ર જેહાદી વિચારધારા જ નહિ, જમીની સ્તર પર પણ આતંકી માહોલ સર્જવા મરણિયો બની કાર્ય કરતો હોવાનો પર્દાફાશ? ATS ષડયંત્રના તાર ખોલવા સજ્જ
રાજકોટ તા. ૨૭: પ્રજાસતાક પર્વ પર આતંકી ઘટનાઓની દહેશત વ્યક્ત કરતી કેન્દ્રીય એજન્સીઓની ઇનપુટ સાથે એટીએસને પણ મળેલ ચોક્કસ બાતમી આધારે ,એટીએસ દ્વારા કુ વિખ્યાત આતંકી સંગઠનો જૈસે મોહમદ અને અલકાયદા સાથે સક્રિય રીતે અર્થાત્ માત્ર વિચારધારાથી પ્રભાવિત બની અને તેના સતત પ્રચાર પ્રસારમાં ગળાડૂબ ફેઝાન નવસારી પંથકમાંથી ઝડપાય જતા ગુજરાતના તંત્રએ નિરાંતનો શ્વાસ લીધો છે.
ગત ૨૫ જાન્યુઆરી ૨૦૨૬ના રોજ ગુજરાત ATSએ નવસારીના ચારપુલ વિસ્તારમાંથી એક શંકાસ્પદ યુવકની ધરપકડ કરી હતી. પકડાયેલ આરોપીની ઓળખ ફૈઝાન શેખ તરીકે થઈ છે, જે મૂળ ઉત્તરપ્રદેશના રામપુરનો વતની છે અને હાલ નવસારીમાં રહેતો હતો.
ATSની તપાસમાં સામે આવ્યું છે કે, ફૈઝાન શેખ પ્રતિબંધિત આતંકી સંગઠનો જૈશ-એ-મોહમ્મદ અને અલ-કાયદાની કટ્ટરપંથી વિચારધારાથી પ્રભાવિત થયો હતો. ઓનલાઈન માધ્યમો અને અન્ય રીતે રેડિકલાઈઝ થયા બાદ, તેણે સમાજમાં ભય ફેલાવવાના અને અરાજકતા ઊભી કરવાના હેતુથી ચોક્કસ જૂથના વ્યક્તિઓને ટાર્ગેટ બનાવ્યા હતા.
આતંકી કળત્યને અંજામ આપવા માટે તેણે ગેરકાયદેસર રીતે હથિયાર પણ મેળવ્યા હતા. હાલ ATSએ આ મામલે આતંકીની ધરપકડ કરી તપાસ શરૂ કરી છે. હથિયારો કોણે પૂરા પાડ્યા અને અન્ય કોઈ તેની સાથે હતા કે કેમ તેની તપાસ ચાલી રહી છે.
ATSના સૂત્રોના જણાવ્યા અનુસાર, ફૈઝાન માત્ર વિચારધારાથી જોડાયેલો નહોતો, પરંતુ તે જમીની સ્તરે આતંક ફેલાવવા માટે પણ સક્રિય થયો હતો. તેણે રાજ્યમાં આતંક અને ભયનો માહોલ પેદા કરવા માટે હથિયારો અને દારૂગોળો ખરીદવાની પ્રક્રિયા પણ શરૂ કરી હતી. વધુ ચોંકાવનારી વિગત એ સામે આવી છે કે તે અમુક ચોક્કસ લોકોની ટાર્ગેટ કિલિંગ (હત્યા) કરવાની ફિરાકમાં હતો. જોકે, તેના મનસૂબા પૂરા થાય તે પહેલા જ ATS ની ટીમે તેને દબોચી લીધો હતો.
તપાસનો ધમધમાટ ફૈઝાન શેખની ધરપકડ બાદ એજન્સીઓ હવે એ દિશામાં તપાસ કરી રહી છે કે તેને ગુજરાતમાં કોણ મદદ કરી રહ્યું હતું? શું તેની સાથે અન્ય કોઈ સ્લીપર સેલના સભ્યો જોડાયેલા છે? અને તેને હથિયારો પૂરા પાડવા માટે કોણ સંપર્કમાં હતું? આ બાબતે ATS દ્વારા ધમધમાટ શરૂ થયો છે.
(3:37 PM IST)
છેલ્લા 8 દિવસમાં સૌથી લોકપ્રિય 
