ગાંધીનગર : ગુજરાત વિધાનસભા ખાતે તા.૦૩/૦૨/૨૦૨૬ના રોજ ગ્રામ શક્તિ તાલીમ કાર્યક્રમનું માન.અધ્યક્ષશ્રીના માર્ગદર્શન હેઠળ આયોજન કરવામાં આવેલ છે. જેમાં ઉત્તર ગુજરાતના બનાસકાંઠા, વાવ-થરાદ, મહેસાણા, પાટણ, સાબરકાંઠા અને અરવલ્લી જિલ્લાઓના દરેક તાલુકામાંથી પાંચ એમ કુલ-૨૬૦ સરપંચશ્રીઓ તાલીમમાં જોડાનાર છે. જેમાં સરપંચઓને સંસદીય લોકતંત્રમાં પંચાયતની ભૂમિકા, જી- રામજી- ગ્રામવિકાસ યોજના વિકાસના કામો અંગે જાણકારી, પંચાયત હિસાબી નિયમોની જાણકારી તથા ગ્રામસભા-પંચાયતસભામાં સરપંચની ભૂમિકા, અધિકારો અને ફરજો જેવા વિષયો પર નિષ્ણાત તજજ્ઞો વ્યાખ્યન આપશે.

  આ કાર્યક્રમમાં ગુજરાત રાજયના મુખ્યમંત્રી ભૂપેન્દ્રભાઇ પટેલ અને ગુજરાત વિધાનસભાના.અધ્યક્ષ શંકરભાઇ ચૌધરીની પ્રેરક ઉપસ્થિતિ રહેશે. વધુમાં આ કાર્યક્રમમાં પંચાયત અને ગ્રામ ગૃહ નિર્માણ મંત્રી ઋષિકેશભાઇ પટેલ, ગ્રામ વિકાસ મંત્રી કુંવરજીભાઇ બાવળીયા, વિધાનસભાના મુખ્ય દંડક બાલકૃષ્ણભાઇ શુક્લ અને  પંચાયત વિભાગના અગ્ર સચિવ ધનંજય દ્વિવેદી પણ ઉપસ્થિત રહેનાર છે.