અમદાવાદમાં યોજાનારા ટી-20 વર્લ્ડકપને ધ્યાનમાં રાખીને મેટ્રો વિભાગ દ્વારા ફેબ્રુઆરી અને માર્ચની મેચો દરમિયાન મુસાફરોની સુવિધા માટે વિશેષ ટ્રેનો દોડાવવાનો નિર્ણય લેવાયો છે. નવા સમયપત્રક મુજબ, મોટેરા સ્ટેડિયમથી APMC સુધી રાત્રે 10:00 થી 12:30 વાગ્યા સુધી અને ઓલ્ડ હાઇકોર્ટથી વસ્ત્રાલ રૂટ પર રાત્રે 12:50 વાગ્યા સુધી મેટ્રો ઉપલબ્ધ રહેશે. આ ઉપરાંત, ગાંધીનગરના મહાત્મા મંદિર માટે પણ રાત્રે 11:40 અને 12:10 કલાકે સ્પેશિયલ ટ્રેન દોડાવવામાં આવશે, જેથી મોડી રાત્રે મેચ જોઈને પરત ફરતા પ્રેક્ષકોને અવરજવરમાં સરળતા રહે.