તા. ૬ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૧૦ રવિવાર
કિર્તી પટેલના સ્નાનના વિવાદના ગાંધીનગરમાં પડઘાઃ ધારાસભ્ય કોરડિયાએ દર્શાવ્યો રોષ
(અશ્વિન વ્યાસ દ્વારા) ગાંધીનગર તા.૧૬: કિર્તી પટેલના મૃગી કુંડના શાહી સ્નાનનો વિવાદ વકર્યો છે. જુનાગઢના ભવનાથના મેળામાં મૃગીકુંડમાં શાહી સ્નાન કરનાર વિવાદીત કિર્તી પટેલનો મુદો વિધાનસભા ભવનમાં ધારાસભ્યોમાં ચર્ચાનો મુદો બન્યો હતો.
આ મુદે જૂનાગઢના ધારાસભ્ય સંજય કોરડીયાએ આકરી પ્રતિક્રિયા આપતા જણાવ્યું હતું કે આ ધરતી સાધુ-સંતોની વર્ષો જુની પરંપરા હતી તે પરંપરા તુટવાથી સાધુ સંતોમાં અને ભકતોમાં રોષની લાગણી ઉભી થવા પામી છે. મહા શિવરાત્રી દરમ્યાન ગિરનારની લીલી પરીક્રમા ખૂબજ મહત્વની ગણાય છે. આ જગ્યાએ સાધુ સંતોને સ્નાન કરવા દેવામાં આવે છે. સાધુ સંતો દ્વારા આ પરંપરા તોડવાની વાત ચલાવી લેવાય નહિ. જેના કારણે કોરડીયાએ જણાવ્યુ કે આવુે કૃત્ય કરનારને કોઇ પણ સંજોગોમાં ચલાવી લેવામાં આવે નહિ આ માટે જરૂર કડક પગલા લેવામાં આવશે.
(3:36 PM IST)
છેલ્લા 8 દિવસમાં સૌથી લોકપ્રિય 
