રાજકોટ, તા.,૧૭ :   કોઈ પણ ગુનેગાર ગુન્હો કર્યા  પછી પોલીસ પક્કડથી દૂર રહે તે બાબત પોલીસ માટે શરમજનક ગણાય અને લોકોમાં ખોટા સંદેશ પણ જાય માટે વર્તમાન કે ભૂતકાળના કોઈ ગુનેગાર વોન્ટેડ ન રહેવા જોઈએ તેવો દ્રઢ સંકલ્પ સાથે નો વોન્ટેડ ઇન સુરત ક્રાઈમ અભિયાન ચલાવવામાં આવે છે તેને વધુ એક ઐતિહાસિક સફળતા મળી છે. હથીયાર , મારા મારી જેવા ગુન્હામાં ૨૧ વર્ષથી વોન્ટેડ આરોપીને ઉતર પ્રદેશના  પ્રયાગરાજ  પહોચી  SOG દ્વારા  ડીસીપી રાજદીપસિંહ નકુમના માર્ગદર્શનમાં ઝડપી લીધેલ હોવાનું અકિલા સાથેની વાતચીતમાં પોલીસ ઇન્ડિયેકટર અશોક ચીધરીએ જણાવ્યું છે.

તે દરમ્યાન HC  રાકેશભાઇ વલ્લભભાઇ તથા HC રામજીભાઇ મોહનભાઇ નાઓને મળેલ બાતમી હકિકત મળેલ કે વરાછા પોલીસ સ્ટેશન ખાતે નોંધાયેલ હથીયાર સાથે મારામારીના ગુનામાં છેલ્લા એકવીસ વર્ષથી નાસતો ફરતો આરોપી હાલ પ્રયાગરાજ ખાતે હાજર છે જેથી તાત્કાલીક નાયબ પોલીસ કમિશનર એસ.ઓ.જી.,નાઓની મંજુરી મેળવી એસ.ઓ.જી.,ના PI એ.પી. ચૌધરી નાઓએ તાત્કાલીક સ્થાનિક અધિકારી સાથે વાતચીત કરી HC રાકેશભાઇ વલ્લભભાઇ તથા HC રામજીભાઇ મોહનભાઇ તથા HC લાલાભાઇ ભોપાભાઇ નાઓની ટીમ બનાવેલ. જે ટીમ દ્વારા પ્રયાગરાજ ખાતે જઈ આરોપી (૧) સંતોષ રાજબહાદુર ઉર્ફે રામકુમાર યાદવ રહે. ઘર નં- ૨૯૧ અત્તરસુઇયા ચૌરાહા પ્રયાગરાજ શહેર ઉત્તરપ્રદેશ તથા (૨) સંતોષ ઉર્ફે શિયુ રાજબહાદુર ઉર્ફે રામકુમાર યાદવ રહે. ઘર નં- ૨૯૧ અત્તરસુઇયા ચૌરાહા પ્રયાગરાજ શહેર ઉત્તરપ્રદેશ વાળાને પકડી પાડવામાં આવેલ છે