( ભરત શાહ દ્વારા ) નર્મદા:વાતાવરણમાં આવેલા પલટા ની અસર રાજપીપળા સહિત નર્મદા જીલ્લામ જોવા મળી છે. વહેલી સવારે પડેલા કમોસમી વરસાદને કારણે સમગ્ર પંથકમાં ઠંડક તો પ્રસરી ગઈ છે. જોકે, આ ‘માવઠા’ના કારણે પાકને મોટું નુકસાન થવાની ભીતિ સેવાતા ધરતીપુત્રો ચિંતામાં મુકાયા છે.

રાજપીપળા માં આજે સવારથી જ ઘેરાયેલા વાદળો જોવા મળ્યા અને વરસાદી વાતાવરણ બાદ માવઠું થયું હતું જેમાં રાજપીપળા સહિત આખા જિલ્લામાં છૂટાછવાયા વરસાદી ઝાપટાં પડ્યા હતા. આ કમોસમી વરસાદને કારણે વાતાવરણમાં એકાએક પલટો આવતા આ ટ્રિપલ ઋતુનો અહેસાસ થયો.
કમોસમી વરસાદ ખેતી ના પાક ને નુકશાન કરી શકે તેમ હોય જેમાં ઘઉં, ચણા અને શાકભાજીના ઉભા પાકને નુકસાન થવાની શક્યતાથી ખેડૂતો ચિતામાં મુકાયા છે. આમ ટ્રીપલ ઋતુમાં સરકારી અને ખાનગી દવાખાનામાં દર્દીઓ ની સંખ્યા વધી રહી છે. 
જોકે થોડીવાર ઝરમર વરસાદ બાદ વરસાદ બંધ થતા ખેડૂતો એ હાશકારો મેળવ્યો હતો.