અમદાવાદઃ આજે અમદાવાદના નગરદેવી મા  ભદ્રકાળીની નગરયાત્રા યોજાઈ રહી છે. વહેલી સવારથી મંદિર પરિસરમાં માઈ ભક્‍તો ઉમટી પડ્‍યા છે. મંગળા અને શણગાર આરતીમાં ભક્‍તોએ માતાજીના દર્શન કરીને ધન્‍યતા અનુભવી હતી.

આજે વિશેષ દિવસે મંદિર ઓર્કિડ અને ગલગોટાના ફૂલોથી શણગારેલું છે. મંદિરના પ્રાંગણમાં ભક્‍તો ઢોલ અને ડાકલા તાલે ઝૂમી રહ્યા છે અને માતાજીની ભક્‍તિના ગીતો ગાઈ રહ્યા છે. મહત્‍વનું છે કે, રાવળ દેવ દ્વારા ડાકલાના તાલે માતાજીને રથમાં વિરાજિત કરાયા હતા.

આજે નગરદેવી મા ભદ્રકાળીની નગરયાત્રા નિમિત્તે તંત્ર દ્વારા ખાસ વ્‍યવસ્‍થા કરવામાં આવી છે. મંદિર પરિસરમાં ૩૫૦થી વધારે પોલીસનો સ્‍ટાફ સુરક્ષામાં હાજર છે. માતાજીના રથના પ્રસ્‍થાન પહેલા પોલીસ દ્વારા ગાર્ડ ઓફ ઓર્નર આપવામાં આવ્‍યું છે. જોકે પરીક્ષાને ધ્‍યાનમાં રાખીને ડીજે કેન્‍સલ રાખવામાં આવ્‍યો હતો.