ગાંધીનગર : રાજ્‍યના ગૃહ વિભાગ દ્વારા લાંબા સમયથી નિમણૂકની રાહ જોઈ રહેલા ૧૩ જેટલા ઉચ્‍ચ પોલીસ અધિકારીઓ પૈકી ૬ આઈ.પી.એસ. (ભારતીય પોલીસ સેવા) અધિકારીઓને હંગામી ધોરણે નવી જવાબદારીઓ સોંપવામાં આવી છે. રાજ્‍ય સરકારના આ મહત્‍વના નિર્ણયથી પોલીસ બેડામાં વહીવટી ગતિશીલતા આવશે તેમ મનાય છે.

નિયુક્‍ત કરાયેલા અધિકારીઓની યાદી

ઞ્જ તરૂણ દુગ્‍ગલ : ડી.આઈ.જી. (નાયબ પોલીસ મહાનિરીક્ષક) તરીકે તેઓને સી.આઈ.ડી. ક્રાઈમમાં નિયુક્‍ત કરવામાં આવ્‍યા છે.

ઞ્જ ચેતન્‍ય માંડલીક : તેઓને ડી.આઈ.જી. પોલીસ સુધારણા વિભાગની જવાબદારી સોંપાઈ છે.

ઞ્જ આર. ટી. સુસરા : તેઓને ડી.આઈ.જી. તકનીકી સેવાઓ (ટેકનિકલ સર્વિસીસ) માં મુકવામાં આવ્‍યા છે.

ઞ્જ સુધા પાંડે અને સુજાતા મજમુદાર : આ બંને મહિલા અધિકારીઓને તાલીમ વિભાગમાં ફરજ સોંપાઈ છે.

ઞ્જ મયુર પાટીલ : એસ.પી. (પોલીસ અધિક્ષક) મયુર પાટીલને કાયદો અને વ્‍યવસ્‍થા તથા જનસંપર્ક કાર્યાલય જેવી મહત્‍વની જવાબદારી સોંપવામાં આવી છે.

૫ અધિકારીઓ હજુ પણ પ્રતીક્ષામાં

આ નિમણૂકો છતાં હજુ પણ ડી.જી.પી. (પોલીસ મહાનિદેશક) સમશેરસિગ સહિત કુલ પાંચ જેટલા ડી.આઈ.જી. કક્ષાના અધિકારીઓ નિમણૂકની પ્રતીક્ષામાં છે. આ અધિકારીઓને આગામી દિવસોમાં કયા વિભાગમાં અથવા કયા જિલ્‍લામાં મુકવામાં આવે છે તેના પર સૌની નજર ટકેલી છે.

નોંધનીય છે કે બદલી અને નિમણૂકના આ રાઉન્‍ડમાં વહીવટી જરૂરિયાતોને ધ્‍યાને રાખીને અત્‍યારે હંગામી વ્‍યવસ્‍થા ગોઠવવામાં આવી છે, જેથી જે-તે વિભાગોની કામગીરીમાં રૂકાવટ ન આવે.