સુરતમાં સામાન્ય અકસ્માત બાદ યુવતીને માર મારવામાં આવ્યો હોવાનો બનાવ સામે આવ્યો છે. પાંડેસરામાં પ્રમુખ પાર્ક સોસાયટી પાસે આ ઘટના બની છે. યુવતીને જાહેરમાં માર મારી બાઈક ચાલક ફરાર થઈ ગયો હતો. આ ઘટનાના સીસીટીવી ફૂટેજ સોશિયલ મીડિયામાં વાયરલ થયા છે. સુરત પોલીસ એસીપી સુનિલ તરડેનું નિવેદન સામે આવ્યું છે. પોલીસે આરોપીની ઓળખ કરી છે. બાઈક નંબરના આધારે શોધખોળ શરૂ કરાઈ છે. બાઈકનો નંબર ઉત્તરપ્રદેશનો હોવાનું સામે આવ્યું છે. 24 કલાક વિતવા છતાં આરોપી પોલીસ પકડથી દૂર છે.