ઇઝરાયેલ અને ઇરાન વચ્ચે વણસેલી સ્થિતિને પગલે વિદેશમાં ફસાયેલા વડોદરાના રહીશોની સુરક્ષા માટે સાંસદ ડો. હેમાંગ જોશીએ તાકીદની હેલ્પલાઇન શરૂ કરી છે. સાંસદે જણાવ્યું કે અત્યાર સુધીમાં આ હેલ્પલાઇન પર 32 જેટલા ફોન આવ્યા છે અને આ તમામ મુસાફરો વડોદરા શહેર તથા જિલ્લાના છે. હાલ આ મુસાફરો એર સ્પેસ ખુલવાની રાહ જોઈ રહ્યા છે. ડો. હેમાંગ જોશીએ વિશ્વાસ અપાવ્યો હતો કે રાજ્ય અને કેન્દ્ર સરકાર સતત ત્યાંના વહીવટી તંત્રના સંપર્કમાં છે. તેમણે વડાપ્રધાન મોદીના રશિયા-યુક્રેન યુદ્ધ વખતના રેસ્ક્યુ ઓપરેશનનો હવાલો આપી નાગરિકોને ધિરજ રાખવા અપીલ કરી છે. ફસાયેલા લોકોની મદદ માટે ટોલ ફ્રી નંબર 7778823084 જાહેર કરવામાં આવ્યો છે.