અરવલ્લી જિલ્લાના શામળાજી પાસે આવેલા અણસોલ ચેકપોસ્ટ નજીક આજે બે મોટરસાયકલ વચ્ચે સર્જાયેલા ભયાનક અકસ્માતમાં બે યુવકોએ જીવ ગુમાવ્યા છે. હોળી-ધૂળેટીના પવિત્ર તહેવાર નિમિત્તે પોતાના વતન જઈ રહેલા યુવકોના પરિવારમાં આ દુર્ઘટનાને પગલે શોકનું મોજું ફરી વળ્યું છે. નેશનલ હાઈવે પર આવેલી અણસોલ ચેકપોસ્ટ પાસેના સર્વિસ રોડ પર બે બાઇક સામસામે પૂરપાટ ઝડપે અથડાતા આ અકસ્માત સર્જાયો હતો.