રાજકોટ, તા.૫:શ્રી સ્વામિનારાયણ સંપ્રદાયની રાજધાની ગણાતા વડતાલ ધામમા  ફાગણી પુનમના રોજ ૨૧૦મા દિવ્ય રંગોત્સવની ધામધૂમપૂર્વક ઉજવણી કરવામાં આવી હતી. ધૂળેટી પર્વનો ખેડા જિલ્લાનો આ સૌથી મોટો રંગોત્સવ હોવાનું જણાવાયુ છે.

વડતાલ મંદિરના ચેરમેન ડો. સંત વલ્લભદાસજી સ્વામીએ જણાવ્યું હતું. કે ૫૦ હજાર ચોરસ ફૂટના સુશોભિત વિશાળ રંગમંડપમાં ભાઇઓ તથા બેનોના બે ભાગ પાડવામાં આવ્યા હતા. રંગમંડપમાં ભાવિકોને બેસવા માટે ખુરશીઓ સહિતની સુંદર વ્યવસ્થા ઉભી કરવામાં આવી હતી. બુધેજ મંદિરના કોઠારી શાસ્ત્રી નારાયણ ચરણ દાસજી સ્વામીએ રંગોત્સવનો લાભ લેવા પધારેલ હરિભકતોને રંગોત્સવની કથાનું રસપાન કરાવ્યું હતુ.ં

શ્રી લક્ષ્મીનારાયણ દેવ પિઠાધિપતિ પ.પૂ.આચાર્ય શ્રી ૧૦૦ રાકેશપ્રસાદજી મહારાજે આર્શીવાદ પાઠવ્યા હતા. બાદમાં સંસ્કૃત પાઠશાળાના ભુદેવો સંતો દ્વારા સત્સંગીજીવન પ્રથમ અધ્યાયના કંઠસ્થ શ્લોકો ૧ થી ૧૦૦નું ગાન કર્યું હતું. ત્યારબાદ  પાઠશાળામાં  જુદાજુદા વિષયોમાં પ્રથમ નંબરે ઉત્તીર્ણ થયેલ સંતો, ભુદેવો, પાર્ષદોને સર્ટીફીકેટ એનાયત કર્યા હતા. પુષ્પદોલોત્સવના યજમાન પૂ. ડો. શા. સંત વલ્લભદાસજી સ્વામી (ચેરમેન શ્રી વડતાલ ધામ)ની પ્રેરણાથી  કિશોરભાઇ નાથાભાઇ ભાદાણી, કેનીલ કિશોરભાઇ ભાદાણીએ પુજ્ય આચાર્ય મહારાજશ્રી તથા સંતોનું પુજન કર્યું હતું. આ મહોત્સવમાં ચેરમેન સંતસ્વામી, કોઠારી દેવપ્રકાશસ્વામી, સત્સંગમહાસભાના પ્રમુખ શા.હ નૌત્તમ પ્રકાશદાસજીસ્વામી, ગોવિંદસ્વામી, બ્રહ્મ પ્રકાશસ્વામી, પી.પી.સ્વામી, મુની સ્વામી, શ્રીજી સ્વામી, વેદાંતસ્વામી, હરિઓમ સ્વામી, સંતબાલસ્વામી, વિષ્ણુ પ્રકાશસ્વામી (અથાણાવાળા), શ્રી વલ્લભ સ્વામી બ્રહ્મ ચારી હરિસ્વરૂપાનંદજી, પાર્ષદ ઘનશ્યામ ભગત સહિત સંતો ઉપસ્થિત રહ્યા હતા.

સત્સંગ મહાસભાના પ્રમુખ શા. નૌત્તમ પ્રકાશદાસજીસ્વામીએ વડતાલ જ્ઞાનબાગમાં ભગવાન શ્રીહરિએ ૨૦૦ વર્ષ પૂર્વે ઉજવેલ રંગોત્સવની ઝાંખી કરાવી હતી. નિષ્કળાનંદ સ્વામીએ રંગ માટે બે હોજ તૈયાર કરાવ્યા હતા. અને ૧૨ બારણાના હિંડોળે ઝૂલી સોટી વડે ભ્તોના હાર ગુલાલ શ્રીજીએ સ્વીકાર્યા હતા. બાદમાં પ.પુ.આચાર્ય શ્રી રાકેશપ્રસાદજીમહારાજ શ્વેત વસ્ત્રોને પાઘ ધારણ કરી સ્ટેજ પર પધાર્યા હતા. જ્યાં પ્રથમ તેઓએ સંતો અ્ને યજમાન પરિવાર સાથે શ્રીજીનું પુજન કર્યુ હતું. અને આરતી ઉતારી હતી.

આચાર્ય મહારાજશ્રી અને સંતોએ પુષ્પ પાંદડીથી હરિભકતોના વધામણા કર્યા હતા. અને તૈયાર રહેલ મંચ ઉપરથી  મહારાજશ્રી તથા સંતોએ ચોકલેટની ઉછામણી કરી હતી. તેઓએ પ્રસાદીના કેસુડાના રંગ છાંટણા કર્યા હતા. અને વચ્ચે વચ્ચે ૮૦-૧૦૦ ફુટના વિવિધ રંગના વિસ્ફોટથી સમગ્ર આકાશ રંગમય બની ગયું હતુ. પૂ.રાકેશપ્રસાદજી મહારાજ, સંતસ્વામી, નૌત્તમસ્વામી, ગોવિંદસ્વામી, શ્યામસ્વામીએ હરિભકતો પર રંગ છાંટી ભાવથી ભીજવ્યા હતા. રંગઉત્સવમાં યુવાધન સંગીતને સથવારે મનમુકીને ઝુમ્યું હતું. ભગવાન શ્રી સ્વામિનારાયણે સપ્રદાયમાં જુદાજુદા ૩૧ સ્થળોએ રંગોત્સવ માનાવ્યો હતો. જેમા વડતાલ જ્ઞાનબાગમાં ઉજવાયેલ રંગોત્સવ સંપ્રદાયનો શિરમોર રંગોત્સવ બની ગયો છે. સમગ્ર રંગોત્સવનું સંચાલન પૂ શ્યામ વલ્લભ સ્વામી એ કર્યું હતું. (૩.૭)

રંગોત્સવની સાથે સાથે...

૧૦૦૦૦ ફુગા

૧૫૦૦ કિલો ગુલાબ ના ફૂલ

૧૫૦૦ કિલો કેશુડાના ફૂલ

૧૫૦૦ કિલો ગલગોટીયાના ફૂલ

૫૦૦ કિલો વિવિધ ફૂલ

કુલ પાંચ હજાર કિલો ફૂલ

૫૦૦ કિલો ચોકલેટ ની વર્ષા

૫૦ ઉપરાંત સંતો ઉપસ્થિત રહ્યા

ભગવાનને કેસુડાના વાઘા

સિંહાસનોમાં કેશુડાના શણગાર

ખજૂર ધાણી ચણા નો અનકોટ

સિંગ ૧૦૦ કિલો

ચણા ૧૦૦ કિલો

ખજુર ૨૦૦ કિલો

ધાણી ૧૦૦ કિલો

હારડા ૧૦૦ કિલો