મહેસાણામાં મોઢેરા રોડ પર ચાલી રહેલી આઈકોનિક રોડની કામગીરી હવે વિવાદના ઘેરામાં આવી છે. આ મામલે ગુજરાત હાઇકોર્ટમાં PIL દાખલ કરવામાં આવી છે. અરજીમાં આક્ષેપ કરવામાં આવ્યો છે કે દબાણ હટાવવાની કામગીરીમાં ભેદભાવ રાખવામાં આવ્યો છે, જેના કારણે રોડનો એક ભાગ વધુ પહોળો અને બીજો ભાગ સાંકડો રહી ગયો છે. સ્થાનિકોએ માંગ કરી છે કે યોગ્ય રીતે તમામ દબાણ દૂર કરીને રસ્તાને સમાન રીતે પહોળો કરવામાં આવે જેથી લોકોને અવરજવર કરવામાં સરળતા રહે.