સુરતમાંથી ૧૪૦૦ કિલો પનીર જપ્ત સસ્તા કેમિકલ-પામ ઓઇલથી બનતું હતું
એક મોટા નકલી પનીર રેકેટનો પર્દાફાશઃ પનીરની બજાર કિમત રૂ. ૩ લાખ આંકવામાં આવે છે : દરરોજ ૪૦૦ કિલો નકલી પનીરનું ઉત્પાદન કરવામાં આવી રહ્યું હતું: માલિક સુરતની વિવિધ ડેરીઓને રૂ. ૨૨૦માં વેચતો હતો
સુરત તા.૭: સુરતમાં એક મોટા નકલી પનીર રેકેટનો પર્દાફાશ થયો છે. ફૂડ વિભાગ અને સુરત સ્પેશિયલ ઓપરેશન ગ્રુપ (SOG) એ ફેક્ટરી પર દરોડા પાડીને ૧,૪૦૦ કિલો નકલી પનીર જપ્ત કર્યો છે. આ પનીરની બજાર કિમત રૂ. ૩ લાખ આંકવામાં આવે છે. સુરત સ્પેશિયલ ઓપરેશન ગ્રુપ (SOG) અને ફીડ વિભાગની ટીમને બાતમી મળી હતી કે સુરતના પાંડેસરા વિસ્તારમાં ભીડભંજન સોસાયટીમાં મોટા પાયે નકલી પનીર બનાવવામાં આવી રહી છે અને સુરતની વિવિધ ડેરીઓમાં સપ્લાય કરવામાં આવી રહી છે. સુરતના સ્પેશિયલ ગ્રુપના DCP રાજવીર સિહ નકુમે જણાવ્યું હતું કે હોળીના તહેવાર દરમિયાન, ઓપરેશન શુદ્ધિના ભાગ રૂપે, અમે ભેળસેળમાં સામેલ ડેરીઓ પર નજર રાખી રહ્યા હતા. અમને બાતમી મળી હતી કે મહેશ શર્મા નામનો એક વ્યક્તિ છેલ્લા બે વર્ષથી ભેળસેળયુક્ત પનીર બનાવીને વેચી રહ્યો છે. આજે, અમે SOG ટીમ અને ફૂડ વિભાગના અધિકારીઓ સાથે પાંડેસરામાં ભીડભંજન સોસાયટીમાં દરોડો પાડ્યો હતો, અને ૧,૪૦૦ કિલો ભેળસેળયુક્ત પનીર જપ્ત કર્યું હતું, જેની અંદાજિત કિમત આશરે રૂ. ૩ લાખ છે. અમે રૂ. ૨.૪ લાખથી વધુ કિમતની મશીનરી સાથે આખી ફેક્ટરી સીલ કરી દીધી છે.
ફૂડ વિભાગ અને સુરત સ્પેશિયલ ઓપરેશન ગ્રુપ (SOG) એ ફેક્ટરી પર દરોડા પાડીને આશરે ૧,૪૦૦ કિલો નકલી પનીર, પનીર ઉત્પાદનમાં વપરાતા રસાયણો, પામ તેલનો એક જથ્થો અને મોટી માત્રામાં દૂધ પાવડર જપ્ત કર્યો છે.
માલિકની પૂછપરછમાં જાણવા મળ્યું કે તે દરરોજ ૪૦૦ કિલો ભેળસેળયુક્ત પનીરનું ઉત્પાદન કરતો હતો અને સુરતની વિવિધ ડેરીઓને રૂ. ૨૨૦ માં વેચતો હતો. ફૂડ વિભાગે ફેક્ટરીને સીલ કરી દીધી છે અને ભેળસેળયુક્ત પનીરને ફૂડ એન્ડ ડ્રગ એડમિનિસ્ટ્રેશન (FSL) ને પરીક્ષણ માટે મોકલી દીધું છે. પામ તેલ અને સસ્તા રસાયણોથી બનેલું પનીર શરીર માટે પણ હાનિકારક છે.
સુરતના સ્પેશિયલ ગ્રુપના DCP રાજવીર સિંહ નકુમે જણાવ્યું હતું કે હોળીના તહેવાર દરમિયાન, ઓપરેશન શુદ્ધિના ભાગ રૂપે, અમે ભેળસેળમાં સામેલ ડેરીઓ પર નજર રાખી રહ્યા હતા. અમને બાતમી મળી હતી કે મહેશ શર્મા નામનો એક વ્યક્તિ છેલ્લા બે વર્ષથી ભેળસેળયુક્ત પનીર બનાવીને વેચી રહ્યો છે. આજે, અમે SOG ટીમ અને ફૂડ વિભાગના અધિકારીઓ સાથે પાંડેસરામાં ભીડભંજન સોસાયટીમાં દરોડો પાડ્યો હતો, અને ૧,૪૦૦ કિલો ભેળસેળયુક્ત પનીર જપ્ત કર્યું હતું, જેની અંદાજિત કિંમત આશરે રૂ. ૩ લાખ છે. અમે રૂ. ૨.૪ લાખથી વધુ કિમતની મશીનરી સાથે આખી ફેક્ટરી સીલ કરી દીધી છે. પામ તેલ, સસ્તા રસાયણો અને દૂધથી બનેલું ભેળસેળયુક્ત પનીર સુરતની વિવિધ ડેરીઓમાં સપ્લાય કરવામાં આવી રહ્યું હતું. અમે જપ્ત કરાયેલા પનીરને પરીક્ષણ માટે FSLમાં મોકલી દીધા છે અને તેનો રિપોર્ટ આવ્યા પછી કડક કાર્યવાહી કરીશું
(9:54 AM IST)
છેલ્લા 8 દિવસમાં સૌથી લોકપ્રિય 
