અમદાવાદમાં બાર કાઉન્સિલિંગ ઓફ ગુજરાતની ચૂંટણીની મતગણતરી શરૂ થઈ છે. ગુજરાત હાઇકોર્ટ ખાતે આવેલા ઓડિટોરિયમમાં આ પ્રક્રિયા હાથ ધરવામાં આવી છે. રાજ્યની 23 સભ્યોની નવી બોડી માટે આ ચૂંટણી યોજાઈ હતી, જેમાં 76 હજારથી વધુ વકીલોએ મતદાન કર્યું હતું,કુલ  23 બેઠકો માટે કુલ 99 ઉમેદવારો મેદાનમાં ઉતર્યા હતા, જેમાં 79 પુરુષ અને 20 મહિલા ઉમેદવાર છે. 23 બેઠકોમાંથી 5 બેઠકો મહિલા ઉમેદવાર માટે અનામત રાખવામાં આવી હતી. રાજ્યમાં સરેરાશ મતદાન 52 ટકા રહ્યું. ચુસ્ત સુરક્ષા અને પોલીસ બંદોબસ્ત વચ્ચે મતગણતરીનું કાર્ય ચલાવવામાં આવી રહ્યું છે. નવા પ્રતિનિધિઓ આગામી 5 વર્ષ માટે નિયુક્ત થઈ શકે છે.