ગુજરાત વિધાનસભામાં બજેટ સત્રની ચર્ચા ચાલી રહી છે, ત્યારે ગૃહમાં અમદાવાદના નરેન્દ્ર મોદી સ્ટેડિયમમાં રમાયેલી ભારત અને ન્યૂઝીલેન્ડ વચ્ચેની વિશ્વકપની ફાઈનલ મેચની ટિકિટોનો મુદ્દો ચગ્યો હતો. જેમાં ભાજપના ધારાસભ્યએ પોતાને જ વિશ્વકપની ફાઈનલ જોવા માટેની ટિકિટ ના મળી હોવાનો બળાપો ઠાલવ્યો હતો. આ મામલે કોંગ્રેસના ધારાસભ્યએ ભાજપના નેતાઓની ટીકા કરતા આશ્ચર્ય વ્યક્ત કર્યું હતુ.

મારે દુઃખ સાથે કહેવું પડે છે કે, વિધાનસભાની અંદર ગુજરાતની સાડા 6 કરોડની જનતાના પ્રશ્નોને વાચા આપવા માટેની અમને તક આપવામાં આવે છે. ગુજરાતમાં 30 વર્ષથી ભાજપની સરકાર છે, ત્યારે ભાજપના ધારાસભ્ય જ પોતાની લાચારી દર્શાવે છે કે, મને ફાઈનલ મેચની ટિકિટ નથી આપવામાં આવી. આ સમયે બીજા બે મંત્રીઓ પણ ઉભા થઈને કહ્યું હતું કે, અમને પણ ટિકિટ નહતી મળી. આમ ભાજપના લાચાર ધારાસભ્યો પોતાની અંગત માંગણી લઈને વિધાનસભા ગૃહમાં માંગણી કરે, ત્યારે અજુગતું લાગે છે.

માત્ર ગુજરાત જ નહીં, પરંતુ દેશના અલગ-અલગ રાજ્યોમાંથી આવેલા ક્રિકેટ ફેન્સને આવા લેભાગુ તત્વોએ ડુપ્લિકેટ ટિકિટ પધરાવી દીધી હતી. આથી મારી સરકારને વિનંતી છે કે, આવા તત્વો વિરુદ્ધ કડક કાયદેસરની કાર્યવાહી કરવામાં આવે.

આવા કાર્યક્રમમાં ઑનલાઈન ટિકિટ પ્રથા હોવાના કારણે મને ટિકિટ મેળવવામાં મુશ્કેલી થઈ હતી. આ પ્રથા એટલી પારદર્શક છે કે, અમારા ભાજપના ધારાસભ્યને પણ ટિકિટ નથી મળી રહી. જો કે આ મામલે જીતુ વાઘાણીએ હકારાત્મક જવાબ આપ્યો છે. આગામી સમયમાં આવા કોઈ કાર્યક્રમમાં તમામ ધારાસભ્યોને ટિકિટ આપવાની ખાતરી આપી છે.