સાબરકાંઠાના ઈડર ગઢના ડુંગર પર લાગેલી આગ કલાકોની મહેનત બાદ કાબૂમાં આવી છે. ફાયર વિભાગે આ આગ બુઝાવવા માટે 12 કલાકમાં લગભગ 27 હજાર લીટર પાણીનો મારો ચલાવ્યો હતો. ઈડરના ત્રણ અને હિંમતનગરના ફાયર ફાયટર્સે કલાકો સુધી મહેનત કરીને આગ પર નિયંત્રણ મેળવ્યું હતું . ફાયર ટીમના 20 કર્મચારીઓએ 12 કલાક ખડે પગે રહી આગ બુઝાવવાની કામગીરી પૂર્ણ કરી હતી  આગના કારણે ડુંગર પરના આકાશી દ્રશ્યો નજરે પડ્યા હતા , જેનાથી સ્થળની તીવ્રતા અને જોખમ સ્પષ્ટ થયું. વારંવાર આગ લાગતા ડુંગર પર રહેલા વન્યજીવો પર ગંભીર ખતરો ઊભો થઈ રહ્યો છે. વનપ્રેમીઓ અને સ્થાનિકોએ આગના આ બનાવને લઇ ચિંતા વ્યક્ત કરી છે, કારણ કે આવનારા સમયમાં વારંવાર આવી ઘટના ડુંગર પરના પર્યાવરણ અને પ્રાણીઓ માટે જોખમી બની શકે છે.