કોંગ્રેસના ધારાસભ્ય ઇમરાન ખેડાવાલાએ વિધાનસભામાં રાજ્ય સરકારના પ્રયાસોની પ્રશંસા કરી છે. જમાલપુર-ખાડિયા અને દાણીલીમડા વિસ્તારમાં બંધ પડેલા લગભગ 750 MSME યુનિટ ફરી શરૂ કરાવવા માટે સરકારે કરેલા પ્રયાસોને લઈને તેમણે આભાર વ્યક્ત કર્યો હતો . તેમના જણાવ્યા મુજબ સરકારની પહેલથી બંધ થયેલા આ ઉદ્યોગો ફરી શરૂ થતા અંદાજે 1 લાખ લોકોને ફરી રોજગાર મળવાની શરૂઆત થઈ છે. આ દરમિયાન અધ્યક્ષે પણ નોંધ્યું કે માત્ર શાસક પક્ષના સભ્યો જ નહીં, પરંતુ વિપક્ષના સભ્યો પણ સારું કામ થાય ત્યારે સરકારના વખાણ કરી શકે છે.