સુરતના અમરોલી વિસ્તારમાં 12 વર્ષની માસૂમ બાળકી પર દુષ્કર્મ આચરનાર નરાધમ રબીઉલ શેખને પોક્સો કોર્ટે તકસીરવાન ઠેરવી આજીવન કેદની સજા ફટકારી છે. મજબૂત પુરાવાઓના આધારે કોર્ટે આરોપીને રૂ. 50 હજારનો દંડ પણ કર્યો છે. ન્યાયાધીશે માનવતાવાદી અભિગમ અપનાવતા ભોગ બનનાર બાળકીને રૂ. 10 લાખનું વળતર ચૂકવવાનો આદેશ આપ્યો છે. આ ચુકાદાથી પીડિત પરિવારને ન્યાય મળ્યો છે અને ગુનેગારોમાં કાયદાનો ફફડાટ વ્યાપ્યો છે.