ગુજરાતમાં રાજકીય ગતિવિધિઓ તેજ બની છે. ભાજપ પ્રદેશ અધ્યક્ષ તરીકે જગદીશ વિશ્વકર્માએ કમાન સંભાળ્યા બાદ હવે પાર્ટીની સૌથી પાવરફૂલ મનાતી કોર કમિટીની રચના કરી દેવામાં આવી છે. કેન્દ્રીય નેતૃત્વની મહોર બાદ જાહેર કરાયેલી આ નવી સમિતિમાં મુખ્યમંત્રી અને ગૃહમંત્રી સહિત કુલ ૧૧ વરિષ્ઠ અને પ્રભાવશાળી નેતાઓને સ્થાન આપવામાં આવ્યું છે. રાજકીય વિશ્લેષકોના મતે, આ નવી ટીમની રચનામાં જ્ઞાતિગત સમીકરણો અને પ્રાદેશિક સંતુલન જાળવવાનો પૂરો પ્રયાસ કરવામાં આવ્યો છે. આગામી સમયમાં યોજાનારી જિલ્લા અને તાલુકા પંચાયતો તેમજ અન્ય સ્થાનિક સ્વરાજ્યની સંસ્થાઓની ચૂંટણીઓને પગલે આ નવી કમિટીની ભૂમિકા અત્યંત નિર્ણાયક બની રહેશે. *