(અશ્વિન વ્‍યાસ) ગાંધીનગર : હવામાન વિભાગ દ્વારા કરવામાં આવેલી આગાહી મુજબ આગામી તા. ૨૧ સુધી રાજ્‍યના વિવિધ જિલ્લાઓમાં ગાજવીજ સાથે હળવાથી મધ્‍યમ કમોસમી વરસાદ પડવાની શકયતા છે. મુખ્‍યત્‍વે બનાસકાંઠા, પાટણ, સાબરકાંઠા, જામનગર, મોરબી, કચ્‍છ, રાજકોટ, જુનાગઢ, અમરેલી, ભાવનગર અને દક્ષિણ ગુજરાતના જિલ્લાઓમાં છૂટાછવાયા સ્‍થળોએ વરસાદની શકયતા છે.

આ બદલાયેલા હવામાનને ધ્‍યાને રાખીને ખેડૂતોના તૈયાર થયેલા અને ખેતરમાં ઉભેલા પાકને નુકસાનથી બચાવવા માટે રાજ્‍યના કળષિ વિભાગ દ્વારા અગાઉથી જ સાવચેતીના પગલાં સૂચવતી વિશેષ એડવાઇઝરી જાહેર કરવામાં આવી છે. આ ઉપરાંત રાજ્‍યના ખેડૂતોને કળષિ પ્રગતિ એપ્‍લિકેશન અને સોશિયલ મીડિયાના માધ્‍યમથી સાવચેતી રાખવાની માહિતી આપવામાં આવી રહી છે.

ખેડૂતો માટે લેવાના સાવચેતીના મહત્‍વના પગલાં: કાપણી કરેલ પાક ખેતરમાં ખુલ્લો હોય તો તેને તાત્‍કાલિક સલામત સ્‍થળે ખસેડવો અથવા પ્‍લાસ્‍ટિક કે તાડપત્રીથી યોગ્‍ય રીતે ઢાંકી દેવો, પાકના ઢગલાની ફરતે માટીનો પાળો બનાવવો જેથી વરસાદનું પાણી નીચેથી અંદર ન ઘૂસે, પાકેલા પાકની સત્‍વરે લણણી કરી તેને સુરક્ષિત ખસેડવાની કામગીરી કરવી,  ઉભા પાકમાં પાણી ભરાઈ ન રહે તે માટે ખેતરમાં પાણીના નિકાલની વ્‍યવસ્‍થા અગાઉથી કરી લેવી, વરસાદી વાતાવરણ દરમિયાન પાકને પિયત આપવાનું અથવા જંતુનાશક દવા છાંટવાનું કામ મુલતવી રાખવું, જીરું, ઈસબગુલ અને વરિયાળી જેવા ભેજથી જલ્‍દી બગડતા પાકોને પ્રાથમિકતા આપી સલામત સ્‍થળે ખસેડવા, APMCમાં ખેડૂતો અને વેપારીઓએ અનાજ અને ખેતપેદાશોને શેડ નીચે અથવા સુરક્ષિત રીતે ઢાંકીને રાખવા, શકય હોય તો આ દિવસો દરમિયાન વેચાણ અર્થે ખેત પેદાશો ખ્‍ભ્‍પ્‍ઘ્‍ માર્કેટમાં લાવવાનું ટાળવું. ખાતર અને બિયારણનો જથ્‍થો પલળે નહીં તે રીતે સુરક્ષિત સ્‍થળે રાખવો.

વધુ જાણકારી કે માર્ગદર્શન માટે કિસાન કોલ સેન્‍ટરના ટોલ-ફ્રી નંબર ૧૮૦૦ ૧૮૦ ૧૫૫૧ પર પણ સંપર્ક કરી શકાશે.