વડોદરાના સરદાર એસ્ટેટ વિસ્તારમાં એક પેટ્રોલ પંપ પાસે ચાલુ બાઈકમાં અચાનક આગ લાગવાની ઘટના બની છે. બાઈક ચાલક પંપ પરથી પેટ્રોલ પુરાવીને જેવો બહાર નીકળ્યો કે તરત જ મોટર સાયકલ ભડભડ સળગવા લાગી હતી. સદનસીબે, ચાલક સમયસર નીચે ઉતરી જતાં મોટી જાનહાનિ ટળી હતી. ઘટનાની જાણ થતાં જ ફાયર બ્રિગેડનો કાફલો તાત્કાલિક સ્થળ પર પહોંચી ગયો હતો અને આગ પર કાબૂ મેળવ્યો હતો, જોકે આગ એટલી ભીષણ હતી કે બાઈક સંપૂર્ણપણે બળીને ખાખ થઈ ગઈ હતી.