અમદાવાદ જિલ્લામાં મિલકત ખરીદીમાં મહિલાઓની ભાગીદારીમાં નોંધપાત્ર વધારો જોવા મળી રહ્યો છે. છેલ્લા બે વર્ષમાં જિલ્લામાં કુલ 2,93,631 વેચાણ દસ્તાવેજોની નોંધણી થઈ હતી, જેમાંથી 74,614 દસ્તાવેજો મહિલાઓ દ્વારા નોંધાવવામાં આવ્યા હતા. મહિલાઓને પ્રોત્સાહન આપવા માટે સરકારે નોંધણી ફીમાં રાહત આપતા ₹213 કરોડથી વધુની ફી માફ કરવામાં આવી છે, જેમાં કુલ ₹2,13,25,51,360ની નોંધણી ફીમાંથી છૂટછાટ આપવામાં આવી હોવાનું જણાવાયું છે. આ મુદ્દે પાયલ કુકરાણી દ્વારા પૂછાયેલા પ્રશ્નના જવાબમાં ગૃહમાં મહેસૂલ મંત્રીએ માહિતી આપી હતી, જે મહિલાઓમાં મિલકત ખરીદી પ્રત્યે વધતી જાગૃતિ અને સક્રિયતા દર્શાવે છે.