અંબાજી : ચૈત્રી આઠમે અંબાજી શક્તિપીઠમાં શ્રદ્ધાનો મહાસાગર ઉમટ્યો છે. વહેલી સવારે બે મંગળા આરતીમાં હજારો ભક્તો જોડાયા હતા. મંદિરનાં ચાચર ચોકમાં ભવ્ય નવચંડી યજ્ઞનું આયોજન પણ કરવામાં આવ્યું હતું. નૂતન રામ મંદિરમાં ભગવાન રામનો જન્મોત્સવ ઉજવાયો હતો. દેશ-વિદેશના રંગબેરંગી ફૂલોથી સમગ્ર મંદિર પરિસર શણગારાવામાં આવ્યું છે. કાળઝાળ ગરમીમાં વહીવટી તંત્ર દ્વારા શ્રદ્ધાળુઓ માટે પીવાના પાણીની વ્યવસ્થા કરવામાં આવી છે. સાથે જ પોલીસ તંત્ર દ્વારા સુરક્ષાના ચુસ્ત બંદોબસ્ત કરવામાં આવ્યા છે.