વલસાડ જિલ્લાના ઉમરગામ તાલુકાના સંજાણ વિસ્તારમાં બંદર રોડ પર આવેલી બંગલાઓને નિશાન બનાવી લૂંટની સનસનીખેજ ઘટના સામે આવી છે. લૂંટારુઓએ એક બંગલામાં રહેતા વૃદ્ધાને હથિયારની અણીએ બંધક બનાવી ઘરેથી અંદાજે ₹90,000 રોકડા તેમજ સોનાના દાગીના લૂંટી ફરાર થઈ ગયા હતા. ઘટનાથી વિસ્તારમાં ભયનો માહોલ સર્જાયો છે. સમગ્ર લૂંટની ઘટના નજીકના CCTV કેમેરામાં કેદ થઈ ગઈ છે, જેના આધારે પોલીસે આરોપીઓની શોધખોળ શરૂ કરી વધુ તપાસ હાથ ધરી છે.