પાદરા : વડોદરાના પાદરાના કુરાલ ગામે અસામાજિક તત્વોએ આતંક મચાવ્યો છે. જૂની અદાવત કે નજીવી બાબતે થયેલી બોલાચાલીમાં 7 જેટલા શખ્સોએ એકસંપ થઈને બે સગા ભાઈઓ પર હિંસક હુમલો કર્યો હતો. હુમલાખોરોએ લાકડીઓ અને અન્ય હથિયારો વડે બંને ભાઈઓને ગંભીર ઈજાઓ પહોંચાડી હતી.

હોસ્પિટલમાં સારવાર હેઠળ આ હુમલામાં ગંભીર રીતે ઘવાયેલા બંને ભાઈઓને તાત્કાલિક લોહીલુહાણ હાલતમાં નજીકની હોસ્પિટલમાં ખસેડવામાં આવ્યા છે. તબીબોના જણાવ્યા અનુસાર, હુમલો એટલો ભીષણ હતો કે બંનેને શરીરના ભાગે ગંભીર ઈજાઓ થઈ છે અને હાલ તેમની સારવાર ચાલી રહી છે.

વધુ અઘટિત ઘટના રોકવા તૈનાતી ઘટનાની જાણ થતા જ પાદરા પોલીસનો કાફલો કુરાલ ગામે દોડી આવ્યો હતો. ગામમાં કોઈ અનિચ્છનીય બનાવ ન બને તે માટે પોલીસ દ્વારા પેટ્રોલિંગ વધારી દેવામાં આવ્યું છે. સ્થાનિકોમાં આ અસામાજિક તત્વો સામે ભારે રોષ જોવા મળી રહ્યો છે.

પોલીસે ધરપકડના ચક્રો ગતિમાન કર્યા ભોગ બનનારના પરિવારની ફરિયાદના આધારે પોલીસે 7 શખ્સો વિરુદ્ધ ગુનો નોંધી વધુ તપાસ હાથ ધરી છે. આરોપીઓ ફરાર થઈ ગયા હોવાથી પોલીસની અલગ-અલગ ટીમો તેમની શોધખોળ કરી રહી છે. પોલીસનું કહેવું છે કે ટૂંક સમયમાં જ તમામ આરોપીઓને ઝડપી પાડવામાં આવશે.